Nigeria President, Muhammadu Buhari don appoint Major General Yahaya Farouk as di new Chief Of Army staff on Thursday.
Yahaya appointment come about a week afta di former Chief of Army Staff Lieutenant General Ibrahim Attahiru die inside military plane crash for Kaduna, north west of di kontri.
Who be Major General Yahaya?
According to di statement wey di Defence Headquarters release, before im appointment as COAS, Major General Farouk Yahaya bin dey in charge of di fight against Boko Haram for north eastern Nigeria.
Im once hold di position of Commander of di First Army.
Major General Farouk Yahaya of Regular Course 37 come from Sokoto State.
Dem born am on di 5th of January 1966 for Sifawa, present day Bodinga Local Government Area of Sokoto State.
E gain admission into di Nigerian Defence Academy, as member of 37 Regular course for 1985 and graduate for September 1990 wen dem post am to Infantry.
E get Bachelors of Arts Degree in History and Masters Degree for International Affairs and Diplomacy.
Major-General Farouk Yahaya be di General Officer Commanding 1 Division, Nigerian Army before im hand over power to Major General Usman Mohammed for April 2020.
Im later assume duty to be di new Theatre Commander of Operation Lafiya Dole (OPLD) for Maiduguri, di Borno State capital.
According to one report from di News Agency of Nigeria wen im assume di position for 2020, Major General Yahaya bin take over dis appointment from Olusegun Adeniyi, one major general, wey dem redeploy to di Nigerian Army Resource Centre as Senior Research Fellow.
Before im appointment as di General Officer Commanding 1 Division, Yahaya bin lead di Commander of 4 Brigade Headquarters of di Nigerian Army.
For 2019, Yahaya lead di Operation CLEAN SWEEP for one clearance operation to flush out bandits for Kuduru forest for Birnin Gwari Local Government Area.
Wen im follow tori pipo tok, Oga Yahaya say dem destroy bandit camp for dat operation but five of dia soldiers sustain injury.
More on Major General Yahaya and im journey for di Army
- Lieutenant 27th September 1990
- Captain 27th September 1994
- Major 27th September 1998.
- Lieutenant Colonel 27th September 2003.
- Colonel 27th September 2008
- Brigadier General 27th September 2013
- Major General 27th September 2017.
Appointments wey im hold include:
- Platoon Commander 181 Mechanised Battalion.
- Platoon Commander 82 Mechanised Battalion.
- Company Second in Command 81 Battalion.
- Aide de Camp to Kano State Administrator.
- Company Second in Command 20 Battalion
- Commanding Officer 7 Battalion.
- General Staff Officer Grade 2 Army Headquarters Department of Training and Operations (Field Exercises).
- Staff Officer Grade 2 (Administration) Headquarters Guards Brigade.
- Staff Officer Grade 1 Headquarters Guards Brigade.
- Garrison Commander, Guards Brigade.
- Directing Staff, Armed Forces Command and Staff College.
- Deputy Director Military Secretary 3, Department of Military Secretary (Army).
- Deputy Director Military Secretary 2, Department of Military Secretary (Army).
- Deputy Director Research and Development, Army Headquarters Department of Policy and Plans.
- Chief of Staff, Headquarters, Operation Pulo Shield.
- Deputy Military Secretary 1, Department of Military Secretary (Army).
- Principal General Staff Officer to the Honourable Minister of Defence, Ministry of Defence.
- Commander 4 Brigade Nigerian Army.
- Commander 29 Task Force Brigade, Operation LAFIYA DOLE.
- Director Manpower, Army Headquarters Department of Administration.
- Military Secretary (Army), Department of Military Secretary (Army).
- General Officer Commanding 1 Division Nigerian Army.
- Theatre Commander, Operation LAFIYA DOLE.
- Theatre Commander Operation HADIN KAI.
According to di army, Major General Farouk Yahaya dey married wit children.
Oga Yahaya dey expected as di new Chief of Army Staff to deliver di presidency promise to bring insurgency and banditry to an end for di kontri.